കാഞ്ഞിരപ്പള്ളി: കുട്ടികള്ക്ക് അറിവും ഉല്ലാസവും പകര്ന്ന് ദീപിക ബാലസഖ്യം കോട്ടയം പ്രവിശ്യ ജീവിതദര്ശന ക്യാമ്പ്. പെറ്റ്സ് എന്ന പേരില് പൊടിമറ്റം നിര്മല റിന്യൂവല് സെന്ററില് നടന്ന ക്യാമ്പ് കാഞ്ഞിരപ്പള്ളി ബിഷപ് മാര് ജോസ് പുളിക്കല് ഉദ്ഘാടനം ചെയ്തു. രാഷ്ട്രദീപിക ലിമിറ്റഡ് ഡയറക്ടര് ബോര്ഡംഗം അഡ്വ. ഷെവ. വി.സി. സെബാസ്റ്റ്യന് പതാക ഉയര്ത്തി സന്ദേശം നല്കി. ഡിസിഎല് സംസ്ഥാന പ്രോജക്ട് സെക്രട്ടറി ആദി വൈഷ്ണവ് അധ്യക്ഷത വഹിച്ചു.
കൊച്ചേട്ടന് ഫാ. റോയി കണ്ണന്ചിറ സിഎംഐ ആമുഖസന്ദേശം നല്കി. പത്തനംതിട്ട ഡെപ്യൂട്ടി കളക്ടര് റോഷ്ന ഹൈദ്രോസ്, ദീപിക കാഞ്ഞിരപ്പള്ളി രൂപത ഡയറക്ടര് ഫാ. ജസ്റ്റിന് മതിയത്ത്, റേഡിയോ 90 എഫ്എം പ്രോഗ്രാം ഡയറക്ടര് ഫാ. ജോമി കുമ്പുക്കാട്ട്, ഡിസിഎല് നാഷണല് കോ ഓര്ഡിനേറ്റര് വര്ഗീസ് കൊച്ചുകുന്നേല്, ഓര്ഗനൈസര്മാരായ ജെയ്സണ് ജോസഫ്, വി.ടി. ജോസഫ്, ബാബു ടി. ജോണ്, ആന്സി മേരി ജോണ്, ജോഷി കൊല്ലാപുരം, മിനി മാത്യു, ജോസഫ് ആന്റണി എന്നിവര് പ്രസംഗിച്ചു.
കുട്ടികളുടെ സര്വതോമുഖമായ വളര്ച്ച ലക്ഷ്യംവച്ചുകൊണ്ടുള്ള നിരവധിയായ പരിശീലന പരിപാടികളാണ് ക്യാമ്പില് ഒരുക്കിയത്. വിവിധ വിഷയങ്ങളെക്കുറിച്ചുള്ള ചര്ച്ചാ ക്ലാസുകള്, ലീഡര്ഷിപ്പ് ആന്ഡ് ടീം ബില്ഡിംഗ്, പേഴ്സണാലിറ്റി ഡെവലപ്മെന്റ്, ഹെല്ത്തി റിലേഷന്ഷിപ്പ്, പബ്ലിക് സ്പീക്കിംഗ്, ലഹരിക്കെതിരേയുള്ള ബോധവത്കരണം, പ്രശസ്ത വ്യക്തികളുമായുള്ള അഭിമുഖങ്ങള്, കലാപരിപാടികള്, ആരോഗ്യസംരക്ഷണം തുടങ്ങി നിരവധിയായ കര്മ പദ്ധതികൾ ക്യാമ്പില് ഉണ്ടായിരുന്നു.
സമാപന സമ്മേളനം കാഞ്ഞിരപ്പള്ളി രൂപത വികാരി ജനറാള് ഫാ. ബോബി അലക്സ് മണ്ണംപ്ലാക്കല് ഉദ്ഘാടനം ചെയ്തു. സംസ്ഥാന ട്രഷറര് ഫിയോണ തോമസ് അധ്യക്ഷത വഹിച്ചു. ഡിസിഎല് പ്രവിശ്യ ലീഡര് ശ്രേയ എസ്. നായര്, സെക്രട്ടറി ഡോണ് ഏബ്രഹാം എന്നിവര് പ്രസംഗിച്ചു. ചങ്ങനാശേരി, കോട്ടയം, പാലാ, അരുവിത്തുറ, കാഞ്ഞിരപ്പള്ളി, എരുമേലി, മണിമല മേഖലകളില് നിന്ന് തെരഞ്ഞെടുത്ത നൂറോളം കുട്ടികളാണ് ക്യാമ്പില് പങ്കെടുത്തത്.
Deepika
E-paper LOGIN
LOGIN
